14 Setembru 2023, Diresaun Geral Floresta Kafe no Plantas Industriais, Ministériu Agrikultura, Pekuária, Peska no Florestas (MAPPF), no Conservation Inernational Timor-Leste (CI-TL) hala'o sorumutu finál kona-ba " Asegura konservasaun longu-prazu ba biodiversidade iha Timor-Leste no serbisu ekosistema sira liu-hosi estabelese sistema rede area protejida nasionál ne’ebe funsiona ho diak no hadi’ak jestaun rekursu natural nian iha koridor basia-idrográfika prioridade " (TLSNAP). Hala'o iha Suai room, Timor Plaza, iha sorumutu ida-ne'e halibur parte interesada sira, komunidade sira, no xefe-suku sira husi suku sanulu.

Objetivu prinsipál husi workshop ne'e mak atu fahe informasaun komprehensivu kona-ba impaktu no rezultadu projetu nian ba parte interesada sira. Projetu ne'e nia despeza durante tinan 4 iha Timor-Leste, atinji ona objetivu balun, inspira komunidade sira ne'ebé hela iha parte área protejida 2 Foho Legumau no Kutulau.

Iha sorumutu ne'e mos halo lansamentu plataforma interativu online ida hodi jere área protejida sira, hodi subliña importánsia husi jestaun dadus no fahe koñesimentu ba esforsu konservasaun ne'ebé eziste iha  nasaun ne’e.

Durante semináriu ne'e Sr. Raimundu Mau, Diretor Jeral Floresta Kafe no Plantas Industriais, hatudu importánsia husi kompromisu governu nian atu kontinua servisu sira seluk. no mós apoiu ne'ebé bele hetan husi ajénsia dezenvolvimentu sira atu hametin asaun konservasaun sira-ne'e.